നിസ്സാർ

തൃക്കൊടിത്താനം പുലിക്കോട്ടുപടി അബ്ദുൽഖാദറിന്റെ മകനായി 1960 -ൽ കോട്ടയം ജില്ലയിലെ ചങ്ങനാശ്ശേരിയിൽ ജനിച്ചു. 1994 -ൽ ജയറാമിനെ നായകനാക്കി സുദിനം എന്ന സിനിമ സംവിധാനം ചെയ്തുകൊണ്ട് നിസ്സാർ ചലച്ചിത്ര സംവിധാനരംഗത്ത് തുടക്കം കുറിച്ചു. അടുത്ത വർഷം ദിലീപ്, പ്രേംകുമാർ എന്നിവരെ നായകന്മാരാക്കി ത്രീ മെൻ ആർമി. മുകേഷ് നായകനായ അച്ഛൻ രാജാവ് അപ്പൻ ജേതാവ് എന്നീ ചിത്രങ്ങൾ സംവിധാനം ചെയ്തു.

തുടർന്ന് മലയാളമാസം ചിങ്ങം ഒന്നിന്, പടനായകൻ, ന്യൂസ് പേപ്പർ ബോയ്, ഓട്ടോ ബ്രദേഴ്സ്, ഡ്യൂപ്പ് ഡ്യൂപ്പ് ഡ്യൂപ്പ്, അപരന്മാർ നഗരത്തിൽ, ബുള്ളറ്റ്... എന്നിങ്ങനെ ഇരുപത്തിയഞ്ച് സിനിമകൾ നിസ്സാർ സംവിധാനം ചെയ്തു. 2024 -ൽ ഇറങ്ങിയ ടൂ മെൻ ആർമി ആർമിയായിരുന്നു അവസാന ചിത്രം. കേരളത്തിന്റെ രാജ്യാന്തര ചലച്ചിത്രോത്സവമായ ഐഎഫ്എഫ്കെയിൽ സ്ഥിരമായി പങ്കെടുക്കാറുള്ള നിസ്സാർ സിംഗിൾ ഷോട്ട് ട്രീറ്റ്മെന്റിൽ ചെയ്‌ത ടൂ ഡേയ്‌സ് എന്ന സിനിമ ഒട്ടേറെ ഫെസ്റ്റിവലുകളിൽ പ്രദർശിപ്പിച്ചു. ടു ഡെയ്‌സ്’-ന് കേരള ഫിലിം ക്രിട്ടിക്സ് അവാർഡ് ലഭിച്ചിട്ടുണ്ട്..

2025 ആഗസ്റ്റിൽ നിസ്സാർ അന്തരിച്ചു.  റുക്കിയ ബീഗമാണ് ഭാര്യ. സൗമ്യ, സിമി എന്നിവരാണ് മക്കൾ.