ആതിരദിനമേ

 

ആതിരദിനമേ നാമെല്ലാമേ
ആനന്ദമായ്ക്കൊണ്ടാടിടുമേ - തിരു
ആതിരാദിനമേ

ആടിപ്പാടി ചാഞ്ചാടി പുതു -
മോടിയില്‍ പരിമളമലര്‍ ചൂടിടാം
കളകളാരവം പാടിപൈങ്കിളി
തളിരുകള്‍ ചൂടിമരാമരം - തിരു
ആതിരദിനമേ

പാവനദിനമിതു സോദരിമാരേ
നാമൊരുപോലെ മേവിടുമേ
ചേര്‍ന്നിടുമേ പ്രിയമാര്‍ന്നിടാമേ - മന
മൊന്നായ് വന്നിടുമേ - തിരു
ആതിരദിനമേ

മധുരമോഹനമാമിന്നാളില്‍
മാലണയാതെ സഖി
മധുമധുരാവനിയാകും കേരള
മഹിമകള്‍ പാടാം തരാതരം - തിരു
ആതിരദിനമേ

 

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Aathira diname

Additional Info

Year: 
1952

അനുബന്ധവർത്തമാനം