മക്കൾ മാഹാത്മ്യം

മുല്ലേത്ത് ബാലകൃഷ്ണകുറുപ്പ് (ഇന്നസെന്റ് ). കുറുപ്പ് മാഷ് എന്ന് നാട്ടിൽ അറിയപ്പെടുന്ന അദ്ദേഹം ഒരു പ്രൈമറി സ്കൂൾ ഉടമസ്ഥനും അവിടത്തെ ഹെഡ്മാസ്റ്ററും കൂടിയാണ്. ഭാര്യ കുഞ്ഞുലക്ഷ്മി (കെ പി എ സി ലളിത ) സ്കൂൾ നടത്തിപ്പിൽ കുറുപ്പിനെ സഹായിക്കുന്നു. വിവാഹം കഴിഞ്ഞ് വർഷങ്ങളായിട്ടും അവർക്ക് സന്താന ഭാഗ്യം ലഭിച്ചിട്ടില്ല. ക്ഷേത്രങ്ങൾ തോറും വഴിപാടും നേർച്ചയും നടത്തി എല്ലാ ചികിത്സകളും പരീക്ഷിച്ചു പക്ഷെ ഫലം ഉണ്ടായില്ല സ്കൂൾ പരിശോധനയ്‌ക്ക് അന്ന് ഡി ഇ ഒ വന്നിരുന്നു. അമ്പലത്തിൽ വഴിപാട് ഉണ്ടായിരുന്നതിനാൽ കുറുപ്പ് വൈകിയാണ് എത്തിയത്. ക്ഷുഭിതനായ ഡി ഇ ഒ കുറുപ്പിനെ ശാസിച്ചു. കുട്ടികൾ ഉണ്ടാകാത്ത അവരുടെ ദുഃഖം മനസ്സിലാക്കി ഡോക്ടറെ കണ്ട് പരിശോധിക്കണം എന്ന് ഡി ഇ ഒ പറഞ്ഞു. അത് കഴിഞ്ഞെന്നും ഭാര്യ കുഞ്ഞുലക്ഷ്മിക്കാണ് കുഴപ്പം എന്നും അറിഞ്ഞപ്പോൾ ഡി ഇ ഒ മറ്റൊരു നിർദ്ദേശം വച്ചു. ഭാര്യയുടെ സമ്മതത്തോടെ മറ്റൊരു വിവാഹം. കുഞ്ഞുലക്ഷ്മിക്ക് ആ നിർദ്ദേശം സ്വീകര്യമായി മറ്റൊരു വിവാഹത്തിന് തയ്യാറാക്കാത്ത കുറുപ്പിനെ അല്ലെങ്കിൽ താൻ ആത്മഹത്യ ചെയ്യുമെന്ന് ഭീഷണിപ്പെടുത്തിയാണ് കുഞ്ഞുലക്ഷ്മി സമ്മതിപ്പിച്ചത്. സ്കൂളിലെ പ്യൂൺ അന്ദ്രു(മാമുക്കോയ )വഴിയാണ് സരസ്വതിയെ( സീനത്ത് ) കുറുപ്പ് കാണുന്നതും വിവാഹം നടക്കുന്നതും സരസ്വതിയെ മറ്റൊരു വീട്ടിലാണ് താമസിപ്പിച്ചത്. അവിചാരിതമായ പലതും പിന്നീട് സംഭവിച്ചു. കുഞ്ഞുലക്ഷ്മി ഗർഭിണിയായി. അതോടെ അവൾക്ക് സരസ്വതി ഒരധികപ്പറ്റായി. അവളെ പറഞ്ഞയയ്ക്കണമെന്ന് കുറുപ്പിനോട് ആവശ്യപ്പെട്ടു. കുറുപ്പ് അതിനു വിസമ്മതിച്ചു. സരസ്വതിയും ഗർഭിണിയായി. അതോടെ കുഞ്ഞു ലക്ഷ്മിയുടെയും സരസ്വതിയുടെയും പക കൂടുതൽ രൂക്ഷമായി. സമപ്രായക്കാരായ കുഞ്ഞുലക്ഷ്മിയുടെ മകൻ മാധവൻകുട്ടിയും(മുകേഷ് ) സരസ്വതിയുടെ മകൻ കൃഷ്ണൻകുട്ടിയും(സായികുമാർ) ആ പക ഏറ്റെടുത്തു. ജോലിക്കായി ഇന്റർവ്യൂവിന് പോയ ഇടത്തും അവർ തമ്മിൽ തല്ലി രണ്ടു പേർക്കും ജോലി കിട്ടാതെ ആയി. ഇത് കുറുപ്പിന് വലിയ ഒരു തലവേദനയായി മാറി സരസ്വതിക്ക് ഒരു മകൾ കൂടി ജനിച്ചു. അമ്മു(സുചിത്ര ) കൃഷ്ണൻകുട്ടിയുടെ സഹോദരി. മാധവൻകുട്ടിയും അവളെ സഹോദരിയായി കണ്ടു, തിരിച്ച് അമ്മു അവനെ വല്യേട്ടൻ എന്നാണ് വിളിച്ചത് അമ്മുവിനെ കോളേജിൽ നിരന്തരം ശല്യം ചെയ്തിരുന്ന രമേശൻ എന്ന പൂവാലനെ തല്ലി ഓടിച്ച് അവളെ സഹായിച്ചത് മാധവൻ ആയിരുന്നു. അമ്മുവിന് ഒരു വിവാഹലോചന വന്നു.. പെണ്ണിനും ചെറുക്കനും പരസ്പരം ഇഷ്ട്ടമായി. കയ്യിൽ കാശില്ല. പക്ഷെ തറവാടിന്റെ അന്തസ്സിന് യോജിച്ച രീതിയിൽ കല്യാണം നടത്തണം. കുറുപ്പ് മാഷ് ചിന്തയിലായി. കുഞ്ഞുലക്ഷ്മി ഒരു സഹായവും ചെയ്യുകയില്ല എന്ന് തീർത്തു പറഞ്ഞു അപ്പോഴാണ് ആട്ടോ ഡ്രൈവർ മണികണ്ഠൻ (ജഗദീഷ് ) വലിയക്കോയിക്കൽ തറവാട്ടിലെ സുഭദ്രാമ്മ( സുകുമാരി )യും മകൾ രാധിക(വൈഷ്ണവി)യെയും കൂട്ടി കുറുപ്പ് മാഷിന്റെ വീട്ടിൽ എത്തുന്നത്. രാധികയ്ക്ക് സ്കൂളിൽ ഒരു അദ്ധ്യാപികയായി ജോലി വേണം. ചീറി പാഞ്ഞു പോയ മണികണ്ഠന്റെ ആട്ടോ സൈക്കിളിൽ പോയ കുറുപ്പ് മാഷിനെ തട്ടിയിട്ടത് കൊണ്ട് കോപം കൊണ്ട കുറുപ്പ് ജോലി തരില്ല എന്ന് പറഞ്ഞ് അവരെ ആട്ടിപ്പായിച്ചു. പിന്നീട് അവർ നേരെ പോയത് സരസ്വതിയുടെ വീട്ടിലേയ്ക്കായിരുന്നു. അന്ദ്രുവും കൂടെ ഉണ്ടായിരുന്നു. രാധികയ്‌ക്ക് ജോലി ശരിയാക്കി കൊടുത്താൽ രാധികയെ കൃഷ്ണൻകുട്ടിയെ കൊണ്ട് വിവാഹം കഴിപ്പിക്കാമെന്നും വലിയകോയിക്കൽ തറവാടുമായുള്ള ബന്ധം അന്തസ്സ് കൂടുതൽ ഉയർത്തുമെന്നും അന്ദ്രു തട്ടി വിട്ടു. ഇത് കേട്ടു നിന്ന മണികണ്ഠൻ കുഞ്ഞുലക്ഷ്മിയോട് ഇതേ കാര്യം പറഞ്ഞു. മാധവൻ കുട്ടിയെകൊണ്ട് രാധികയെ വിവാഹം കഴിപ്പിക്കുന്നത് കൊണ്ടുള്ള ലാഭം എന്താണെന്ന് പറഞ്ഞു മനസ്സിലാക്കി. കൃഷ്ണൻകുട്ടിയും രാധികയെ വിവാഹം കഴിക്കാൻ താല്പര്യം കാണിക്കുന്നു എന്ന് മനസ്സിലാക്കിയ മാധവൻ കുട്ടി മണികണ്ഠനോടൊപ്പം രാധികയുടെ വീട്ടിൽ എത്തി രാധിക അമ്മ അമ്മ എന്നു പറഞ്ഞുകൊണ്ട് പുറത്തേയ്ക്ക് ഓടുന്നത് കണ്ടു അകത്തു ചെന്നു നോക്കിയപ്പോൾ സുഭദ്രാമ്മ നെഞ്ചു വലിയിൽ കഷ്ടപ്പെടുന്നത് കണ്ട മാധവൻകുട്ടിയും മണികണ്ഠനും കൂടി സുഭദ്രയെ ആശുപത്രിയിൽ എത്തിച്ചു. സഹായത്തിനു അയൽക്കാരെയും കൂട്ടി ഏത്തിയ രാധിക അമ്മയെ അവിടെ കാണാത്തത് കൊണ്ട് വിഷമത്തിലായി. അപ്പോൾ അവിടെ കാറിൽ വന്നിറങ്ങിയ കൃഷ്ണൻകുട്ടിയും അന്ദ്രുവും കൂടി രാധികയേയും കൂട്ടി ആശുപത്രിയിലേയ്ക്ക് പോയി സുഭദ്രയെ ആശുപത്രിയിൽ അഡ്മിറ്റ്‌ ചെയ്ത ശേഷം മരുന്ന് വാങ്ങാനും ആശുപത്രിയിൽ രൂപ അടയ്ക്കാനും വേണ്ടി കയ്യിൽ കാശില്ലാത്തത് കൊണ്ട് മോതിരം വിറ്റ്, കാശുമായി ആശുപത്രിയിൽ ഏത്തിയ മാധവൻകുട്ടി ഒന്ന് ഞെട്ടി. കാരണം കൃഷ്ണൻകുട്ടി ആശുപത്രിയിൽ രൂപയും അടച്ച് മരുന്നും വാങ്ങി സുഭദ്രയ്‌ക്ക് രക്തവും നൽകി അവളുടെ മുന്നിൽ ഒരു ഹീറോ ആയിത്തീർന്നിരിക്കുന്നു. സഹിക്കാനാകാത്ത മാധവൻകുട്ടി രാധികയോട് കൃഷ്ണൻകുട്ടി ഒരു തീരാരോഗത്തിന് അടിമയാണെന്നു പറഞ്ഞു ഇതറിഞ്ഞ കൃഷ്ണൻകുട്ടി വീട്ടിൽ വന്ന് മാധവൻകുട്ടിയെ അധിക്ഷേപിച്ചു റിട്ടയർ ആകാൻ ആറ് മാസം മാത്രം ഉള്ള പിഷാരടി മാഷിനെ(കൃഷ്ണൻകുട്ടി നായർ)മുഴുവൻ ശമ്പളവും നൽകി ലീവിൽ പോകാൻ പറയണം. ആ ഒഴിവിൽ രാധികയെ അദ്ധ്യാപികയായി നിയമിക്കണം. കുഞ്ഞുലക്ഷ്മിയുടെ ഐഡിയ ആയിരുന്നു അത്. പിഷാരടി അതിനു സമ്മതിക്കുകയും ചെയ്തു അമ്മുവിന്റെ കല്യാണത്തിന് പണത്തിനു വേണ്ടി ബുദ്ധിമുട്ടുന്ന കുറുപ്പ് മാഷിന് നൽകാൻ നാൽപ്പതിനായിരം രൂപ സുഭദ്രയെ എല്പിക്കുന്നു മാധവൻ. അത് താനാണ് നൽകിയതെന്ന വിവരം കുറുപ്പ് മാഷ് അറിയരുതെന്ന ഒരു നിബന്ധന കൂടി മാധവൻ മുന്നോട്ടു വച്ചു സുഭദ്ര നീട്ടിയ പണം വാങ്ങാൻ കുറുപ്പ് വിസമ്മതിച്ചു. അത് അമ്മുവിന് അർഹതപ്പെട്ട പണമാണെന്ന് സുഭദ്ര പറഞ്ഞു. രാധികയുടെ കല്യാണത്തിന് സ്ത്രീധനമായി തരുന്നതായിരിക്കും എന്ന് അന്ദ്രു പറഞ്ഞപ്പോൾ കുറുപ്പ് അത് വാങ്ങി സുഭദ്ര ന്യായമായ ഒരു സംശയം ചോദിച്ചു. കൃഷ്ണൻകുട്ടി, മാധവൻകുട്ടി ഇതിൽ ആരെ രാധിക കല്യാണം കഴിക്കണം എന്ത് ചെയ്യണമെന്നറിയാതെ ചിന്തയിലാണ്ഡ കുറുപ്പിന് ഉത്തരം നൽകിയതും സുഭദ്ര തന്നെയായിരുന്നു. ആരുടെ ജാതകം രാധികയുടെ ജാതകവുമായി പൊരുത്തപ്പെടുന്നുവോ അയാൾക്ക് രാധികയെ വിവാഹം ചെയ്തു കൊടുക്കും. കുറുപ്പ് കണിയാരെ കൊണ്ട് ജാതകം നോക്കിച്ചു. നറുക്ക് വീണത് മാധവൻകുട്ടിക്ക്. മണികണ്ഠൻ കണിയാരെ നേരത്തെ കണ്ട് വേണ്ടത് ചെയ്തിരുന്നു നിരാശനായ കൃഷ്ണൻകുട്ടി പിഷാരടി മാഷിനെ കുടിപ്പിച്ച് ലീവിൽ പോകുന്ന തീരുമാനം മാറ്റിച്ചു. അങ്ങനെ രാധികയ്ക്ക് കിട്ടേണ്ട ജോലി ഇല്ലാതായി. സ്വബോധാവസ്ഥയിൽ ഏത്തിയ പിഷാരടി ജോലി രാജി വച്ചു പോകാൻ തയ്യാറായി. അയാളെയും കൂട്ടി മണികണ്ഠനും മാധവൻകുട്ടിയും ആട്ടോ റിക്ഷയിൽ സ്കൂളിൽ എത്തി. വിവരം കുറുപ്പ് മാഷിനെ അറിയിച്ചു. പിഷാരടിയെ കാണാൻ വന്ന കുറുപ്പിന്റെ മുന്നിൽ അയാളുടെ ശവശരീരം ആണ് ഉണ്ടായിരുന്നത്. തൊട്ടടുത്ത് വിഷകുപ്പിയും മണികണ്ഠനും മാധവൻകുട്ടിയും പിഷാരടിയെ കൊന്നതാണെന്ന് വാർത്ത നാട്ടിൽ പരന്നു അവർ ഒളിവിൽ പോയി. പോലീസ് ഇൻസ്‌പെക്ടർ (വീരരാഘവൻ) അവരെ പിടിക്കാൻ വല വീശി. പോലീസിനെ സഹായിക്കാൻ കൃഷ്ണൻകുട്ടിയും ഉണ്ട്. ഒളിച്ചിരുന്ന മണികണ്ഠനെയും മാധവൻകുട്ടിയെയും കണ്ട അമ്മു അവരെ തന്റെ വീട്ടിൽ ഒളിപ്പിച്ചു പക്ഷെ ഇത് എങ്ങനെയോ മണത്തറിഞ്ഞ കൃഷ്ണൻകുട്ടി പോലീസിനെ വിളിപ്പിച്ച് അവരെ അറസ്റ്റ് ചെയ്യിച്ചു അമ്മുവിന്റെ കല്യാണത്തിന് നാൽപതിനായിരം രൂപ തന്നത് സുഭദ്രയാണെന്നും അവരുടെ മകൾക്ക് കിട്ടേണ്ട ജോലി നീ ഇല്ലാതാക്കി എന്നും കുറുപ്പ് കൃഷ്ണൻകുട്ടിയോട് പറഞ്ഞു ക്ഷഭിതനായ അവൻ അത്രയും രൂപയും കൊണ്ട് സുഭദ്രയുടെ വീട്ടിൽ പോയി. അപ്പോൾ രാധിക പറഞ്ഞു. ഈ പണം ഞങ്ങളുടെതല്ല. മാധവൻകുട്ടി നിങ്ങൾകതെത്തിക്കാൻ ഞങ്ങളെ കരുവാക്കി. അതും കൂടി കേട്ട കൃഷ്ണൻകുട്ടി മാധവൻകുട്ടിയുടെ മുഖത്തേക്ക് ആ പണം വലിച്ചെറിഞ്ഞു അമ്മുവിന്റെ കല്യാണത്തിന്റെ ഒരുക്കങ്ങൾ നടക്കുമ്പോൾ ആ കല്യാണം വേണ്ടെന്ന് ചെറുക്കന്റെ വീട്ടുകാർ പറഞ്ഞു. കുറുപ്പ് കാരണം തിരക്കിയപ്പോൾ അവൾക്ക് മറ്റൊരു കാമുകൻ ഒരു ഓട്ടോ റിക്ഷാക്കാരൻ മണികണ്ഠൻ ഉണ്ടെന്നും അവനെ ആരും കാണാതെ വീട്ടിന്റെ മച്ചിന്മേൽ ഒളിപ്പിച്ചു വച്ചിരുന്നു എന്നും അവർ പറഞ്ഞു. ആരോ പറഞ്ഞ നുണയാണെന്ന് കുറുപ്പ് പറഞ്ഞപ്പോൾ അത് നിങ്ങളുടെ ഭാര്യ കുഞ്ഞുലക്ഷ്‌മിയാണ് പറഞ്ഞത് എന്ന് അവർ സത്യം തുറന്നു പറഞ്ഞു കല്യാണം മുടങ്ങി വിഷമിച്ചിരുന്ന കൃഷ്ണൻകുട്ടിയുടെ മുന്നിൽ രമേശൻ എത്തി നിശ്ചയിച്ച മുഹൂർത്തത്തിൽ അമ്മുവിനെ വിവാഹം ചെയ്യാൻ താൻ തയ്യാറാണെന്ന് പറഞ്ഞു. അത് പ്രതീക്ഷിക്കാത്ത അമ്മു നേരെ മാധവൻകുട്ടിയെ ചെന്നു കണ്ട് തനിക്ക് രമേശനെ വിവാഹം കഴിക്കാൻ ഇഷ്ട്ടമല്ല എന്ന് പറഞ്ഞു. അമ്മുവിന് ഇഷ്ടമില്ലാത്ത വിവാഹം നടക്കാൻ താൻ സമ്മതിക്കുകയില്ല എന്ന് മാധവൻ അവൾക്ക് ആശ്വാസം നൽകി വിവാഹ ദിവസം വരനും കൂട്ടരും വരുമ്പോൾ അവരെ മാധവൻകുട്ടിയും സുഹൃത്തുക്കളും വഴിയിൽ വച്ചു തടഞ്ഞു. ഇതറിഞ്ഞ കൃഷ്ണൻകുട്ടി അവിടെ എത്തി. അവർ തമ്മിൽ സംഘട്ടനം ഉണ്ടായി. തമ്മിൽ തല്ലി ചാകുന്നു എന്നറിഞ്ഞ കുറുപ്പ് അവിടെ എത്തി അവരെ പിരിച്ചു വിടാൻ നോക്കിയപ്പോൾ കൃഷ്ണൻകുട്ടി ഓങ്ങിയ വെട്ട്കത്തി കുറുപ്പിന്റെ തലയിൽ കൊണ്ട് മുറിവേറ്റ് വീണു. ആശുപത്രിയിൽ അഡ്മിറ്റ്‌ ചെയ്യപ്പെട്ട കുറുപ്പിന് ഓർമ്മ നഷ്ട്ടപ്പെട്ടു എന്നും എല്ലാവരും ഒരുമിച്ച് ശ്രമിച്ചാൽ മാത്രമേ കുറുപ്പ് പഴയ നിലയിലേയ്ക്ക് തിരിച്ചു വരൂ എന്ന് ഡോക്ടർ പറഞ്ഞു. കൃഷ്ണൻകുട്ടിയും മാധവൻകുട്ടിയും കുഞ്ഞുലക്ഷ്മിയും സരസ്വതിയും എല്ലാം മറന്ന് ഒന്നായി. കുറുപ്പിനെ ആശുപത്രിയിൽ നിന്നും വീട്ടിലേയ്ക്ക് ആംബുലൻസിൽ കൊണ്ടുപോയി. കുറുപ്പിന്റെ ദയനീയാവസ്‌ഥ കണ്ട് വിഷമിച്ചു നിന്ന മണികണ്ഠനെയും അന്ദ്രുവിനെയും നോക്കി ആംബുലൻസിൽ ഇരുന്ന് കുറുപ്പ് കണ്ണിറുക്കി ചിരിച്ചു. അപ്പോൾ അവർക്ക് ആശ്വാസമായി എല്ലാം കുറുപ്പിന്റെ ഒരു നാടകം