രേണു സൗന്ദർ

Renu Soundar
Date of Birth: 
ചൊവ്വ, 13 October, 1992
റിൻസി

1992 ഒക്റ്റൊബർ 13 -ന്  സൗന്ദർ രാജന്റെയും രമണി ഭായിയുടെയും മകളായി തിരുവനന്തപുരം ജില്ലയിലെ വിഴയൂരിൽ ജനിച്ചു. 2011 -ൽ കർച്ചീഫ് എന്ന ഒരു ഷോർട്ട് ഫിലിമിൽ അഭിനയിച്ചുകൊണ്ടാണ് രേണു സുന്ദർ അഭിനയരംഗത്തേയ്ക്കെത്തുന്നത്. 2013 -ൽ കൈരളി ചാനലിലെ ഉൾക്കടൽ എന്ന സീരിയലിൽ അഭിനയിച്ചുകൊണ്ട് രേണു ടെലിവിഷൻ മേഖലയിലേയ്ക്ക് ചുവടുവെച്ചു. 2015 -ൽ ഏഷ്യാനെറ്റിൽ സംപ്രേക്ഷണം ചെയ്ത കറുത്തമുത്ത് എന്ന സീരിയലിലെ നായികാ വേഷം ചെയ്തതോടെയാണ് രേണു സൗന്ദർ പ്രേക്ഷകശ്രദ്ധ നേടിയത്. അതിനുശേഷം മലയാളത്തിലും തമിഴിലും ചില സീരിയലുകൾ കൂടി ചെയ്ശ്ർതു.

ചിത്രകാരികൂടിയായ രേണു സ്ക്കൂൾ പഠനകാലത്ത് ചിത്ര രചനാ മത്സരങ്ങളിൽ പങ്കെടുത്ത് നിരവധി സമ്മാനങ്ങൾ നേടിയിട്ടുണ്ട്. സ്ക്കൂൾ കാലത്ത് നാടകങ്ങളിൽ അഭിനയിക്കുകയും ചെയ്തിരുന്നു. ശ്രീ ശങ്കരാചാര്യ യൂണിവേഴ്സിറ്റിയിൽ നിന്നും ഫൈൻ ആർട്സിൽ മാസ്റ്റർ ബിരുദം നേടിയിട്ടുള്ള രേണു സൗന്ദർ 2016 -ൽ മാൻഹോൾ എന്ന സിനിമയിലൂടെയാണ് ചലച്ചിത്രരംഗത്തേയ്ക്കെത്തുന്നത്. ചാലക്കുടിക്കാരൻ ചങ്ങാതി, ഓട്ടം, ജാക്ക് ആൻഡ് ജിൽ, പത്തൊൻപതാം നൂറ്റാണ്ട് എന്നിവയുൾപ്പെടെ പത്തോളം മലയാള സിനിമകളിലും ഒരു തമിഴ് സിനിമയിലും രേണു അഭിനയിച്ചിട്ടുണ്ട്.