കണ്ടോരുണ്ടോ എന്റെ കണ്ണനെ

കണ്ടോരുണ്ടോ എന്റെ കണ്ണനെ
നീല തണ്ടാരണി മണിവര്‍ണ്ണനേ
കണ്ടാല്‍ കൊതിക്കുമെന്‍ കണ്ണനെ
നിങ്ങള്‍ കണ്ടായോ താമരക്കണ്ണനെ

പുല്ലങ്കുഴലൂതി വന്നവൻ കൊച്ചു-
മല്ലാക്ഷിമാരുമായ് നിന്നവൻ
മല്ലനെപ്പോരാടി കൊന്നവൻ കാട്ടിൽ -
ഉല്ലാസമായി നടന്നവൻ

പാട്ടിൽ മയങ്ങി നടപ്പവൻ മൂ൪ഖ -
പാമ്പിന്മേലേറി നടിപ്പവൻ
കൂട്ടുകാ൪ക്കിഷ്ടം കൊടുപ്പവൻ ദുഷ്ട -
കൂട്ടരെയെല്ലാം മുടിപ്പവൻ

പ൪വ്വതത്തെ പൊക്കി നിന്നവൻ കംസ -
ഗ൪വ്വങ്ങളെ തച്ചു കൊന്നവൻ
സ൪വ്വലോകത്തെയും വെന്നവൻ നീല -
കാ൪വ൪ണ്ണൻ എൻകൊച്ചു മന്നവൻ