ക്ഷീരസാഗര നന്ദിനി

ക്ഷീരസാഗര നന്ദിനീ പൗർണ്ണമീ

താരാപഥ സഞ്ചാരിണീ

വരൂ നീ വരൂ നീ വരൂ നീ

കല്പകച്ചോലയിൽ കണ്ണീർ നിറഞ്ഞു

അപ്സരസ്ത്രീകൾ നൃത്തം മറന്നൂ

ഇന്ദ്രസിംഹാസനമിരുന്നൊരീ സഭയിൽ

ഒന്നു നിൽക്കൂ ഈ രംഗം തൃക്കൺ പാർക്കാൻ

ഒന്നു നിൽക്കൂ (ക്ഷീരസാഗര)

നീ വലം വയ്ക്കും  ഭൂമിയിലല്ലയോ

ഗൗരീ ശങ്കര ക്ഷേത്ര കവാടം

ചെന്നു നീ ദേവനെ പ്രിയ താണ്ഡവത്തിൽ

നിന്നൊന്നുണർത്തൂ

ഈ ദുഃഖം തൃക്കൺ പാർക്കാൻ

ഒന്നുണർത്തൂ  (ക്ഷീരസാഗര)