കര കാണാത്തൊരു കടലാണല്ലോ

കര കാണാത്തൊരു കടലാണല്ലോ
കരുണയെഴാത്തൊരു കാറ്റാണല്ലോ. . . 
കുയിലുകളേ കുയിലുകളേ
കൂടു വെടിഞ്ഞതുചിതമായോ
കര കാണാത്തൊരു കടലാണല്ലോ

കരയിൽ കാക്കും ഉടയവർ തന്നുടെ
കരളിൻ  മിടിപ്പു പോലെ
ഇടി വെട്ടുന്നേ ഇടി വെട്ടുന്നേ
ഇടിവെട്ടുന്നേ ഉറ്റവരെല്ലാം
ചുടുകണ്ണീർമഴ പെയ്യുന്നൂ
കര കാണാത്തൊരു കടലാണല്ലോ
കരുണയെഴാത്തൊരു കാറ്റാണല്ലോ. . . 

മരണം വായ പിളർന്നതു പോലെ
മറകടലങ്ങനെ ചീറ്റുന്നു
അമരം തെറ്റിയ ജീവിതമാകും
ചെറുതോണിയിതാ താഴുന്നൂ
കര കാണാത്തൊരു കടലാണല്ലോ
കരുണയെഴാത്തൊരു കാറ്റാണല്ലോ. . .