വരമരുളുക വനദുർഗ്ഗേ

വരമരുളുക വനദുർഗ്ഗേ - ദുർഗ്ഗേ
വസന്ത വനരുദ്രേ - ദുർഗ്ഗേ
വരമരുളുക വനദുർഗ്ഗേ

കർപ്പൂരത്താലങ്ങൾ നടയിൽ കൊളുത്തി
ചെത്തിപ്പൂമാലകൾ മേനിയിൽ ചാർത്തീ (2)
സംക്രമ സന്ധ്യകൾ വഴിപാടു നേരുന്നു (2)
കുങ്കുമക്കാവടി അഭിഷേകങ്ങൾ (2)
(വരമരുളുക...)

പൂജിച്ചെടുത്തൊരീ പൊന്നുടവാളും
പൂവും പ്രസാദവും പഞ്ചാമൃതവും (2)
അടിയങ്ങൾക്കരുളണം അഷ്ടൈശ്വര്യങ്ങൾ (2)
അന്നപൂർണ്ണേശ്വരീ മംഗളദായിനീ (2)

വരമരുളുക വനദുർഗ്ഗേ - ദുർഗ്ഗേ
വസന്ത വനരുദ്രേ - ദുർഗ്ഗേ
വരമരുളുക വനദുർഗ്ഗേ