എന്തിന്നു മോഹം എന്തിന്നു മോഹം

 

എന്തിന്നു മോഹം എന്തിന്നു മോഹം
കാനൽ ജലം കൊണ്ട് തീരില്ല ദാഹം
കൊതി കൊണ്ട മദനന്റെ കരളിനു കനിവില്ല
മനമേ നിനക്കില്ല യോഗം
എന്തിന്നു മോഹം എന്തിന്നു മോഹം

കൈയെത്താതുള്ളൊരു കനിയെ കൊതിച്ചു നീ
കണ്ണീരു ചിന്തുകയല്ലേ (2)
കരൾ നീറും നിൻ പ്രേമകഥയാരു കേൾക്കുന്നു
അറിയുന്നതാരു നിൻ ത്യാഗം
എന്തിന്നു മോഹം എന്തിനു മോഹം

നീ കേൾക്കുമാനന്ദ ഗാനം നിലയ്ക്കുമോ
നീ കാണ്മതെല്ലാം കിനാവോ (2)
മതിബിംബമാശിച്ചു കരയുന്നതെന്തിനു
അലമാകുമോ നിന്റെ രാഗം
എന്തിന്നു മോഹം എന്തിനു മോഹം

   
നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Enthinnu moham

Additional Info

അനുബന്ധവർത്തമാനം