ചിരിക്കൂ ചിരിക്കൂ ചിത്രവർണ്ണപ്പൂവേ

ചിരിക്കൂ ചിരിക്കൂ ചിത്രവർണ്ണ പ്പൂവേ നിൻ
ചിരി ചൊരിയും പൂനിലാവിൽ ഞാനലിയട്ടെ
“ അമ്മ ചിരിക്കൂ “ - “എന്റെ മോളു ചിരിക്കൂ “ (ചിരിക്കൂ..)
 
നടക്കൂ നടക്കൂ കൊച്ചുകാലു വളരുവാൻ
നല്ല വഴികൾ കണ്ടു നാളെ മുന്നേറുവാൻ
പൊന്നരമണി കാൽത്തള മണി കിലുങ്ങിടട്ടെ
അമ്മയുടെ ഗദ്ഗദങ്ങളതിലലിയട്ടെ
“ അമ്മ ചിരിക്കൂ “ - “എന്റെ മോളു ചിരിക്കൂ “ (ചിരിക്കൂ..)
 
വളരൂ വളരൂ വാർത്തിങ്കൾ പോലെ നീ
പൗർണ്ണമിയാം യൗവനത്തിൽ പൂത്തുലഞ്ഞീടാൻ
പൊൻ‌വെളിച്ചമുമ്മ വെയ്ക്കുമാ വസന്തത്തിൻ
അമ്മയുടെ ദുഃഖഗാനം വീണുറങ്ങട്ടെ
“ അമ്മ ചിരിക്കൂ “ - “എന്റെ മോളു ചിരിക്കൂ “ (ചിരിക്കൂ..)