നൗഷാദ്

പത്തനംതിട്ട ജില്ലയിലെ തിരുവല്ല സ്വദേശിയാണ് നൗഷാദ്. തിരുവല്ലയില്‍ റെസ്റ്ററന്റും കേറ്ററിങ് സര്‍വീസും നടത്തിയിരുന്ന പിതാവില്‍ നിന്ന് പകര്‍ന്നുകിട്ടിയ പാചക താത്പര്യം മൂലം നൗഷാദ് കോളജ് വിദ്യാഭ്യാസത്തിനു ശേഷം ഹോട്ടല്‍ മാനേജ്‌മെന്റ് പഠിച്ച് കേറ്ററിംഗ് ബിസിനസിലേക്ക് തിരിയുകയായിരുന്നു. തുടർന്ന് ‘നൗഷാദ് ദി ബിഗ് ഷെഫ്' എന്ന പ്രമുഖ കേറ്ററിങ്, റെസ്റ്ററന്റ് ശൃംഖല തുടങ്ങിയ അദ്ദേഹം ടെലിവിഷൻ കുക്കറി ഷോകളിലൂടെ ശ്രദ്ധ നേടി.

അതിനുശേഷം മമ്മൂട്ടിയെ നായകനാക്കി കാഴ്ച എന്ന സിനിമ നിർമ്മിച്ചുകൊണ്ട് നൗഷാദ് സിനിമാ നിർമ്മാണ രംഗത്ത് തുടക്കം കുറിച്ചു. ചട്ടമ്പിനാട്, ബെസ്റ്റ് ആക്റ്റർ എന്നിവയുൾപ്പെടെ ഏഴ് സിനിമകൾ അദ്ദേഹം സംവിധാനം ചെയ്തിട്ടുണ്ട്. ബെസ്റ്റ് ആക്ടര്‍ എന്ന സിനിമയില്‍ അതിഥി വേഷത്തിൽ നൗഷാദ് അഭിനയിച്ചിരുന്നു.

2021 ആഗസ്റ്റിൽ നൗഷാദ് അന്തരിച്ചു. പരേതയായ ഷീബയാണ് അദ്ദേഹത്തിൻറെ ഭാര്യ. നഷ്‌വ ഏക മകളാണ്.