പണ്ടൊരു കാട്ടിൽ

പണ്ടൊരുകാട്ടിലൊരരയന്നത്തിന്.. കുഞ്ഞുവിരിയിക്കാന്‍ മോഹം  പൊരുന്നയിരിക്കാതെങ്ങിനെ വിരിയും    അവളുടെ മുട്ടകള്‍ പാഴാകും....(പണ്ടൊരു )

കരകരശബ്ദം കേട്ടു കാട്ടില്‍        തിരിഞ്ഞുനോക്കി അരയന്നം      കൊക്കരകൊക്കര കൂകിക്കൊണ്ടൊരു കോഴിവരുന്നു ചികയാനായ്. (പണ്ടൊരു )

തിരിച്ചുതരേണം മുട്ടകളെന്റെ                            വംശം നശിച്ചുപോയാലോ          കുഞ്ഞുവിരിഞ്ഞാല്‍ നിനക്കുവളര്‍ത്താം അകലെ നോക്കിഞാന്‍ നിന്നോളാം. (പണ്ടൊരു )

അന്നപ്പെണ്ണിന്‍ ഹൃദയം കണ്ടു              കണ്ണുനിറഞ്ഞു കോഴിവിതുമ്പി             തപസ്സിരുന്നാ തള്ളക്കോഴി              കൊത്തിവിരിച്ചു കുഞ്ഞുങ്ങളെ                         തേനും നല്‍കി തിനനല്‍കി                    വളര്‍ത്തിയമ്മ കുഞ്ഞുങ്ങളെ(പണ്ടൊരു )