പണ്ടൊരിക്കലാദ്യം തമ്മിൽ

പണ്ടൊരിക്കലാദ്യം തമ്മിൽ
കണ്ടതോർമ്മയുണ്ടോ
കണ്ടു മുട്ടിയപ്പോൾ കണ്മുന
കൊണ്ടതോർമ്മയുണ്ടോ (പണ്ടൊരിക്കൽ...)

മുന്നിൽ വന്ന നേരം വഴിയിൽ
നിന്നതോർമ്മയുണ്ടോ
വന്നതോർമ്മയുണ്ടോ മിഴികൾ
ചൊന്നതോർമ്മയുണ്ടോ (പണ്ടൊരിക്കൽ...)

മിണ്ടിയില്ല തമ്മിൽ മിണ്ടാൻ
ചുണ്ടുകൾക്കു നാണം
കള്ള നോട്ടമായ് തോഴികൾ
ചൊല്ലിയന്നു കാര്യം (പണ്ടൊരിക്കൽ...)

ഒറ്റമാത്രയാലേ പ്രതീക്ഷകൾ
എത്ര പൂത്തു നിന്നു
എത്രയോർത്തിരുന്നു പിന്നെ
എത്ര കാത്തിരുന്നു (പണ്ടൊരിക്കൽ...)