കല്പനതൻ അളകാപുരിയിൽ (pathos)

കല്പനതൻ അളകാപുരിയിൽ
പുഷ്പിതമാം പൂവാടികളിൽ
റോജാപ്പൂ നുള്ളി നടക്കും രാജകുമാരീ- നിന്നെ
പൂജിക്കും ഞാൻ വെറുമൊരു പൂജാരി 
പൂജിക്കും ഞാൻ വെറുമൊരു പൂജാരി 
കല്പനതൻ അളകാപുരിയിൽ

വസന്തമലരുകൾ നൃത്തം വെയ്ക്കും 
വനവല്ലിക്കുടിലിൽ
സുഗന്ധമൊഴുക്കും പുലർവെട്ടത്തിൽ
കണ്ടു നിന്നെ ഞാൻ
വിണ്ണിലുദിക്കും വാർമഴവില്ലിൻ
വർണ്ണങ്ങൾ പിഴിഞ്ഞെടുത്ത്
നിന്നുടെ സുന്ദരചിത്രം
മാനസഭിത്തിയിലെഴുതീ ഞാൻ 
മാനസഭിത്തിയിലെഴുതീ ഞാൻ 

കല്പന തൻ അളകാപുരിയിൽ
പുഷ്പിതമാം പൂവാടികളിൽ
റോജാപ്പൂ നുള്ളി നടക്കും രാജകുമാരീ- നിന്നെ
പൂജിക്കും ഞാൻ വെറുമൊരു പൂജാരി 
പൂജിക്കും ഞാൻ വെറുമൊരു പൂജാരി