കാരിരുമ്പാണിപ്പഴുതുള്ള

 

കാരിരുമ്പാണിപ്പഴുതുള്ള കൈകളേ
കാത്തരുളേണമേ ഞങ്ങളെ
പാരിന്റെ പാപങ്ങൾ പോക്കുവാൻ പ്രാണനും
ദാനമായേകിയോനേ
(കാരിരുമ്പാണി....)

ഇത്തിരി നൊമ്പരങ്ങൾ കൊച്ചുമെഴുതിരികൾ
കത്തിച്ചു വെച്ചു ഞങ്ങൾ
വിണ്ണിൻ കെടാവിളക്കേ നിൻ തിരുസന്നിധിയിൽ
കുമ്പിട്ടു നില്പൂ ഞങ്ങൾ
(കാരിരുമ്പാണി...)

മുൾച്ചെടിക്കാട്ടിനുള്ളിൽ മുന്തിരിനീരിനായി
ദാഹിച്ചു നില്പൂ ഞങ്ങൾ
സ്വർഗ്ഗത്തിൻ പൊൻ കിനാവേ ദുഃഖത്തിൻ രാവിലൊരു
നക്ഷത്ര രശ്മി തരൂ
(കാരിരുമ്പാണി...)