എന്നാണെ നിന്നാണെ

എന്നാണേ നിന്നാണേ ഏമൂരത്തേവിയാണേ
പൊന്നോണനിലാവൊരു കോടി നെയ്തൂ -
ഒരു കോടി നെയ്തൂ

(എന്നാണേ... )

നെയ്തെടുത്ത കോടി മുണ്ടിന് കാട്ടാറില്‍ പൊന്തിയ
നെയ്യാമ്പല്‍ പൂവുകൊണ്ടു കസവും വെച്ചു - നല്ല
കസവും വെച്ചൂ

(എന്നാണേ... )

നീലനിഴല്‍ക്കീറ ചുറ്റും നാട്ടിന്‍പുറങ്ങള്‍ (2)
നാലുമുഴം കോടികൊണ്ടു നാണം മറച്ചൂ (2)
പുത്തരിക്കു കൊയ്ത്തുതീര്‍ന്ന പുഞ്ചവയലോ (2)
പുത്തനായ ചേല മേലേ ചുറ്റി രസിച്ചൂ (2)

(എന്നാണേ... )

കാറ്റു വന്നു പിടിച്ചിട്ടും ഉലഞ്ഞില്ലാ കോടി (2)
കാട്ടുമുള്ളില്‍ വലിച്ചിട്ടും കീറിയില്ലാ കോടി (2)
പാരിനാകെ വിലപ്പെട്ട കസവുമുണ്ടാണേ (2)
പട്ടു പോലെ നനുനനുത്ത പാവുമുണ്ടാണേ (2)

(എന്നാണേ....)