നാരായണ ഹരേ നാരായണ

നാരായണ ഹരേ നാരായണ
മോക്ഷസാരസ്വരൂപനാം നാരായണാ
ഈരേഴു പാരിലും നാരായ വേരായ
കാരുണ്യവാരിധി നീയല്ലയോ (നാരായണ...)

നാരായണാ നിന്റെ നാമസങ്കീർത്തനം
ദ്വാരകയിലെത്ര പാരായണം
അമ്മയും അച്ഛനും ബന്ധുവും മിത്രവും
ചിന്മയ കേശവ നീയല്ലയോ (നാരായണ...)

ജീവിതയുദ്ധത്തിൽ രോഗങ്ങൾ ദുഃഖങ്ങൾ
സാരഥിയായ് തുഴഞ്ഞിടുമ്പോൾ
കൃഷ്ണാഹരേ നിന്റെ കാലടിയല്ലാതെ
രക്ഷാനികേതനം മറ്റെന്തു താൻ (നാരായണ...)