യദുകുല കോകില - M

യദുകുലകോകില സ്വരതരംഗം
യമുനയിലലിയും വിലാസയാമം
രാധയെപ്പോലനുരാഗിണിയായി
രാഗേന്ദുപുഷ്‌‌പം വിരിഞ്ഞ യാമം

(യദുകുല...)

സ്വപ്‌നമരാളങ്ങൾ നീന്തിയെത്തും
ഹൃദയകല്ലോലിനിയിൽ...
പുളകാംഗുരങ്ങളിലുടലാകെ മൂടിയ
നീലക്കടമ്പുകളിൽ...
ജന്മാന്തരങ്ങൾക്കു് ചൈതന്യമേകിയ
ദാഹം നിറഞ്ഞു നിന്നൂ, പുതു-
രാഗം തുടിച്ചു നിന്നൂ....

(യദുകുല...)

കുഞ്ജകുടീരങ്ങൾ ഞാനൊരുക്കും
മാധവവനികകളിൽ...
നയനാംബുജങ്ങളിൽ തരളാഭിലാഷം
ചാലിച്ച പൗർണ്ണമിയിൽ...
പ്രേമോദയങ്ങളെ സ്വർഗ്ഗീയമാക്കിയ
ഭാവം വിരുന്നു വന്നൂ, വർണ്ണ-
ജാലം തുടിച്ചു നിന്നു...

(യദുകുല...)