ഗഗനനീലിമ - D
Music:
Lyricist:
Singer:
Raaga:
Film/album:
ഗഗനനീലിമ മിഴികളിലെഴുതും
കുസുമചാരുതയോ
പ്രണയശോണിമ കവിളിൽ എഴുതും
മേഘകന്യകയോ
(ഗഗന...)
ഇത്രനാൾ നീയെന്റെ സങ്കല്‌പസിന്ധുവിൻ
അക്കരെയക്കരെയായിരുന്നോ
ഈ മുഖകാന്തിയും ഈ മന്ദഹാസവും
കാണാത്ത ദൂരത്തിലായിരുന്നോ
ആ...അഴകിന്റെ ഉപഹാരമോ നീ
അനുരാഗ വരദാനമോ
പ്രണയശോണിമ കവിളിൽ എഴുതും
മേഘകന്യകയോ
(ഗഗന...)
ഇന്നു നീ കിനാവിന്റെ ഏകാന്തവീഥിയിൽ
ചൈത്രനിലാവൊളി ചൂടി വരും
ഈ മൗനഭംഗിയും ഈ സമ്മതങ്ങളും
എൻ ജന്മപുണ്യങ്ങളായിരുന്നോ
ആ...അണയാത്തൊരനുഭൂതിയോ നീ
കൊഴിയാത്ത വനപുഷ്‌പമോ
പ്രണയശോണിമ കവിളിൽ എഴുതും
മേഘകന്യകയോ
(ഗഗന...)
നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ:
No votes yet
Gagana neelima - D
Additional Info
Year:
1998
ഗാനശാഖ: