രാഗമാലിക

രാഗമാലിക പാടിത്തളർന്നു
രാപ്പാടികൾ
പൂമണിക്കാറ്റിന്റെ മടിയിൽ കിടന്നു
പൂവാടികൾ (രാഗമാലിക ..)
 
 
ഉയരങ്ങൾ തേറ്റുന്ന കൊട്ടാരക്കെട്ടുകൾ
ലഹരിയിൽ മുങ്ങി മയങ്ങി
നറുനിലാവിൻ മുഖം മൂടുവാനാകാതെ
നഗരം നാണിച്ചുറങ്ങി
ഉറങ്ങൂ....നീ...യുറങ്ങൂ...
ഉറങ്ങിയാൽ നിന്നച്ഛനോടി വരും
ഉറങ്ങുന്ന പൊന്നുമോനുമ്മ തരും (രാഗമാലിക ..)
 
ഹൃദയങ്ങൾ പാടുന്ന ഗദ്ഗദവീചിയിൽ
തുടി കൊട്ടും  ചേരിയുറങ്ങി
ഉയരും വിശപ്പിന്റെ തീജ്ജ്വാലയിൽ വീണു
കരിയും കിടാങ്ങളുറങ്ങി
ഉറങ്ങൂ....നീ...യുറങ്ങൂ...
ഉറങ്ങിയാൽ നിന്നച്ഛനോടി വരും
ഉറങ്ങുന്ന പൊന്നുമോനുമ്മ തരും (രാഗമാലിക ..)

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Raagamaalika

Additional Info

അനുബന്ധവർത്തമാനം