ജീവിതം പോലെ നദിയൊഴുകി

ജീവിതം പോലെ നദിയൊഴുകി
ഭാവന പോലെ തിരയിളകി
അകലെയകലെ കടൽ വിളിക്കുന്നു
ആശാസാഗരം വിളിക്കുന്നു (ജീവിതം....)

മലയടിവാരത്തിൽ കുതിച്ചു ചാടീ
മയിലാടും കുന്നിനെ പുണർന്നു പാടി
കരിങ്കല്ലിൽ മുഖം തല്ലി
കൊടുങ്കാറ്റിൽ വഴി തെറ്റി
പദയാത്ര തുടരുന്നു പമ്പാനദി
കണ്ണുനീർമണികളേ ചിരിയുടെ
ചിലമ്പാക്കും പമ്പാനദി (ജീവിതം..)

നദിയുടെ ദർശനം പകർത്തുക നീ
നന്മതന്നോളങ്ങളുണർത്തുക നീ
എരിവേനൽ പടർന്നാലും
നിഴൽ കാണാതലഞ്ഞാലും
തളരാതെ നിൻ യാത്ര തുടരുക നീ
ഇരുൾ മൂടും വീഥിയിൽ വെളിച്ചത്തിൻ
മലരായ് വിടരുക നീ (ജീവിതം..)

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Jeevitham pole nadi

Additional Info

അനുബന്ധവർത്തമാനം