കന്നിനിലാവത്ത് കസ്തൂരി പൂശുന്ന

കന്നിനിലാവത്ത് കസ്തൂരി പൂശുന്ന
കൈതേ കൈതേ കൈനാറീ
കയ്യിലിരിക്കണ പൂമണമിത്തിരി
കാറ്റിന്റെ കയ്യിൽ കൊടുത്താട്ടേ
കാറ്റിന്റെ കയ്യിൽ കൊടുത്താട്ടേ

തച്ചോളിവീട്ടിലെ പൂമാരനിന്നെന്റെ
തങ്കക്കിനാവേറി വന്നാലോ
ചാമരംവീശേണം ചന്ദനം പൂശണം
ചാരത്തുവന്നാട്ടെ പൂങ്കാറ്റേ

മുത്തുവിതച്ചപോൽ മാ‍നത്തു പൂക്കണ
തെച്ചീ ചെട്ടിച്ചി ചേമന്തി
വീരൻ വരുന്നേരം പൂമാല ചാർത്തുവാൻ
വിണ്ണിലെ താലത്തിൽ പൂതരേണം