ഏഴിമലക്കാടുകളില്‍

ഏഴിമലക്കാടുകളില്‍ പുന്നപൂത്തമാസം
ഏലമണിതേടി ദൂരെ എന്‍കുറവന്‍ പോയി
(ഏഴിമല... )

കാട്ടുവള്ളിപ്പൂങ്കുടിലില്‍ 
കാത്തിരിയ്ക്കാന്‍ ചൊല്ലി
കാര്‍ത്തികമാസം പിറന്നാല്‍ 
കാണാമെന്നും ചൊല്ലി

കുറവനൂതുന്ന കുഴലു കേള്‍ക്കാതെ -
യുറക്കമില്ലെനിക്കെന്നും
ഇരുളുവന്നപ്പോളിണപിരിഞ്ഞൊരു -
കുരുവിയാണു ഞാനിന്നും
പുരളി മാമലച്ചെരുവിലെന്നുടെ 
കുറവനുണ്ടെന്നു കേട്ടു
തിരഞ്ഞു തേടി ഞാനലഞ്ഞു -
മാസങ്ങളൊരുപിടി കഴിച്ചല്ലോ

ഏഴിമലക്കാടുകളില്‍ പുന്നപൂത്തമാസം
ഏലമണിതേടി ദൂരെ എന്‍കുറവന്‍ പോയി