ചെമ്പനീർ പൂവിൽ

 

ചെമ്പനീർ പൂവിൽ മുത്തമിട്ടു പാറും
പൂവാലൻ തുമ്പീ കണ്ടോ
പൂവാലൻ തുമ്പീ കണ്ടോ
മറഞ്ഞോ നിൻ മലർ സമയൊളികണ്ണെറിയുമീ
കാമിനിക്കഴകുണ്ടോ പ്രിയസഖിക്കഴകുണ്ടോ

മറുവാക്കു ചൊല്ലുമ്പോൾ പരിഭവം കാണിച്ചു
പിണങ്ങി ഒതുങ്ങുമെൻ  തൊട്ടാവാടി
ഒരു നാളും പിരിയാതെ എന്നുള്ളം കവർന്നൊരു
അരുമസഖി നീയെൻ ജീവനല്ലേ

ആരാരും കാണാതെ കുറുനിര തഴുകുമ്പോൾ
ഇണങ്ങി ഒതുങ്ങുമെൻ ഓമൽക്കിളി
പ്രണയത്തിൻ തൂവലാൽ എൻ മനമുണർത്തി
ആത്മസഖീ നീയെൻ ജീവനല്ലേ