നീ ഒരു മിന്നലായ്‌ എങ്ങോ മറഞ്ഞു

നീ ഒരു മിന്നലായ്‌ - എങ്ങോ മറഞ്ഞു 
ഞാൻ ഒരു ഗാനമായ്‌ -പിൻപേ അലഞ്ഞു 
നിന്നാത്മഹർഷങ്ങൾ കോരിച്ചൊരിഞ്ഞു 
ഞാൻ കോർത്ത മാലകൾ വാടിക്കരിഞ്ഞു 
നീ ഒരു മിന്നലായ്‌  എങ്ങോ എങ്ങോ മറഞ്ഞു 

ഏകാന്ത താരമേ നീ എങ്ങു പോയി 
എൻ ജീവ രാഗമേ നീ എങ്ങു പോയി 
നീ ശശിലേഖപോൽ എങ്ങോ മറഞ്ഞു 
ഞാനൊരു മേഘമായ്‌ നിന്നെത്തിരഞ്ഞു 
ഞാനൊരു മേഘമായ്‌ നിന്നെത്തിരഞ്ഞു 
നീ ഒരു മിന്നലായ്‌  എങ്ങോ എങ്ങോ മറഞ്ഞു 

ഈണം വിതുമ്പുന്ന ജീവനുമായ്
ഈ ദുഃഖഭൂമിയിൽ ഞാൻ ഏകനായി 
നീ കാനൽ നീരുപോൽ എങ്ങോ മറഞ്ഞു 
ഞാൻ ഒരു തേങ്ങലായ്‌ നിന്നെത്തിരഞ്ഞു 
ഞാൻ ഒരു തേങ്ങലായ്‌ നിന്നെത്തിരഞ്ഞു 
നീ ഒരു മിന്നലായ്‌  എങ്ങോ എങ്ങോ മറഞ്ഞു