ധൂമരശ്മി തൻ തേരിൽ

ധൂമരശ്മിതൻ തേരിൽ വന്നുവൊ 
ഭൂമിയിൽ വീണ്ടും ആമിനാ 
ആമിനാ - ആമിനാ - ആമിനാ 
മൂടൽമഞ്ഞിൽ അലിഞ്ഞു ചേർന്നൊരു 
മൂക ജീവിത വേദന 
വേദന - വേദന - വേദന..

ഉള്ളിലോർമ്മകൾ പണ്ടു ചാരിയ 
ചില്ലു വാതിൽ തുറന്നുവോ 
വർണ്ണ മൂടുപടത്തുകിൽ കൊണ്ട്‌ 
കണ്ണു നീരു തുടച്ചുവോ 
(ധൂമരശ്മിതൻ... )

ഉമ്മയില്ലാത്ത പിഞ്ചു കുഞ്ഞുങ്ങൾ 
ഉമ്മയെ കണ്ടുണർന്നുവോ 
ചുംബനത്തിനു ദാഹതപ്തമാം 
ചുണ്ടു പാതി വിടർന്നുവോ 
(ധൂമരശ്മിതൻ...)