മയിൽപ്പീലി കണ്ണു കൊണ്ട്

മയിൽപ്പീലി കണ്ണുകൊണ്ട്
കൽബിന്റെ കടലാസിൽ
മാപ്പിളപ്പാട്ടു കുറിച്ചവനേ
പാട്ടിന്റെ ചിറകിന്മേൽ പരിമളം പൂശുന്ന
പനിനീർ പൂവിന്റെ പേരെന്ത്
മൊഹബ്ബത്ത്... 
(മയിൽപ്പീലി... )

വാകപ്പൂന്തണലത്ത് പകൽക്കിനാവും കണ്ട്
വാസനപ്പൂ ചൂടി നിന്നവളേ (2)
പൊന്നിന്റെ നൂലുകൊണ്ട് പട്ടുറുമാലിൽ നീ
പാതി തുന്നിയ പേരെന്ത് (2)
പറയൂല്ലാ ... 
(മയിൽപ്പീലി... )

താളി പതച്ചെടുത്ത് തല നിറച്ചെണ്ണ തേച്ച്
താമരക്കുളങ്ങരെ വരുന്നവളേ (2)
പൂമണിയറക്കുള്ളിലൊരുങ്ങി വരാൻ പോണ
പുതുമണവാളന്റെ പേരെന്ത് (2)
പറയൂല്ലാ... 
(മയിൽപ്പീലി... )