മാണിക്യ മലരായ

സൗദി അറേബ്യയിലെ പ്രവാസിയായ പി എം എ ജബ്ബാർ 40 വർഷങ്ങൾക്ക് മുൻപ് രചിച്ചതാണ് മാപ്പിള പാട്ടിൽ ശ്രദ്ധേയമായ ഈ ഗാനം. ആദ്യമായി ഇത് ആലപിച്ചത് അദ്ദേഹത്തിന്റെ ബന്ധു കൂടിയായ കേരളമാപ്പിള കലാ അക്കാദമിയുടെ നേതാവായായ തലശേരി റഫീഖ് എന്ന ഗായകനാണ്. ഡെൽഹി ദൂരദർശനിൽ കേരളത്തിൽ നിന്ന് പാടിയ ഏക മാപ്പിളപാട്ട് ഗായകനാണ് തലശേരി റഫീഖ്. 1978ൽ ഈ ഗാനത്തിന് ആദ്യമായി സംഗീതം നൽകി പാടിയതും തലശേരി റഫീക്കാണ്. 2018 ൽ സോഷ്യൽ മീഡിയയിൽ മാണിക്യ മലരായ ഗാനം ഏറെ ശ്രദ്ധിക്കപ്പെടുകയും വിവാദമായതുമാവുകയും ചെയ്തു. ഒമർ സംവിധാനം ചെയ്ത ഒരു അഡാർ ലൗ എന്ന ചിത്രത്തിൽ ഈ ഗാനം ഉൾപ്പെടുത്തി. അതിലെ ഗാനരംഗങ്ങളാണ് വിവാദമായത്..