പടിയിറങ്ങുന്നു വീണ്ടും പടിയിറങ്ങുന്നു

പടിയിറങ്ങുന്നു വീണ്ടും പടിയിറങ്ങുന്നു
മഴയൊതുക്കുകൾ പിന്നിടുന്നു 
വെയിൽ വരമ്പുകൾ പിന്നിടുന്നു 
നേരിയൊരോർമ്മകൾ പിന്നിടുന്നു... 
പടിയിറങ്ങുന്നു...

പടി വരെ വന്നെത്തി നോക്കിയ പ്രിയ നിലാവുകളെ
കതകടച്ചു വിതുമ്പി നിൽക്കും വിരഹ സന്ധ്യകളെ 
ഇളകുമഞ്ജനമിഴിയിലേതോ കനവു പാതിയുതിർന്നു മായും 
പൊന്നുഷസ്സുകളേ... 
പടിയിറങ്ങുന്നു വീണ്ടും പടിയിറങ്ങുന്നു...

അരളി പൂക്കും കാവിലേതോ കുരുതി തീരുമ്പോൾ 
ഇവിടെ ഈ മരുഭൂവിൽ നിന്നീ കരളു പുകയുന്നു
അകലെയേതോ കൂര തോറും 
തിരിവിളക്കുകൾ മിന്നിടാനായ് 
കടലു താണ്ടുന്നു....
പടിയിറങ്ങുന്നു വീണ്ടും പടിയിറങ്ങുന്നു...

മഴയൊതുക്കുകൾ പിന്നിടുന്നു 
വെയിൽ വരമ്പുകൾ പിന്നിടുന്നു 
നേരിയൊരോർമ്മകൾ പിന്നിടുന്നു... 
പടിയിറങ്ങുന്നു...

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Padiyirangunnu

Additional Info

Year: 
2015
Orchestra: 
വീണ

അനുബന്ധവർത്തമാനം