ഭൂമിദേവി പുഷ്പിണിയായി

ഭൂമിദേവി പുഷ്പിണിയായി
കാമദേവനുത്സവമായി
ഉത്സവമായി ഉത്സവമായ് 
മദിരോത്സവമായി (ഭൂമി..)

നെറ്റിയിൽ മൃഗമദതിലകമിട്ടു
മുറ്റം നിറയെ പൂവിട്ടു
തങ്കനൂപുരമിട്ടു - താമരഞൊറി വെച്ചൂ
മംഗല്യപ്പുടവ ഞൊറിഞ്ഞുടുത്തു - ദേവി
ഞൊറിഞ്ഞുടുത്തു  (ഭൂമി..)

വെള്ളിത്തളികയും വാൽക്കണ്ണാടിയും
വർണ്ണപുഷ്പാഭരണവുമായ്
വന്നൂ സന്ധ്യകളുർവശി മേനക
രംഭ തിലോത്തമമാർ

വണ്ടുകൾ വലംപിരി ശംഖു വിളിച്ചു
വണ്ണാത്തിക്കിളി കുരവയിട്ടു
മുത്തോലക്കുടക്കീഴിൽ - മുല്ലപ്പൂവമ്പുമായി
ഉത്സവപന്തലിൽ മദനനെത്തീ - സഖീ
മദനനെത്തീ ( ഭൂമി..)

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
1
Average: 1 (1 vote)
Bhoomi Devi pushpiniyayi

Additional Info

അനുബന്ധവർത്തമാനം