നിലാവു പോലൊരമ്മ

നിലാവു പോലൊരമ്മ കിനാവു കാണുമമ്മ
സ്വന്തമെന്നോതാൻ കഴിയാത്ത ബന്ധുര
ബന്ധനത്തിൽ കേഴുമമ്മ
(നിലാവു പോലൊരമ്മ...)

കാണാമറയത്ത് പോയൊരു കുഞ്ഞിനെ
കാത്തു കുഴയുന്നോരമ്മ
കാണാമറയത്ത് പോയൊരു കുഞ്ഞിനെ
കാത്തു കുഴയുന്നോരമ്മ
ആറ്റിൻ കരയിലും ഹരിതാഭ തന്നിലും
ആ മുഖം തേടുന്നൊരമ്മ
എവിടെക്കൊഴിഞ്ഞു നിൻ കാലടിപ്പാടുകൾ
എവിടെയാ കുളിർ മൊഴികൾ
(നിലാവു പോലൊരമ്മ...)

കാറ്റിൽ ഇലയനങ്ങുമ്പോഴുമവളുടെ
കാലടി ശബ്ദമെന്നോർത്തു
കാറ്റിൽ ഇലയനങ്ങുമ്പോഴുമവളുടെ
കാലടി ശബ്ദമെന്നോർത്തു
ഉണ്ണാതുറങ്ങാതെ പൊന്നോമനയുടെ
മന്ദസ്മിതം മാത്രമോർത്തു
എവിടെയൊളിച്ചു നിൻ നിർമ്മലർ പുഞ്ചിരി
എവിടെ നിൻ കളിയൊച്ചകൾ
(നിലാവു പോലൊരമ്മ...)

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Nilavu Poloramma

Additional Info

Year: 
2011

അനുബന്ധവർത്തമാനം