ഏതൊരപൂർവ്വനിമിഷത്തിൽ
ഏതൊരപൂര്‍വ്വനിമിഷത്തില്‍ നീയെന്റെ
ഏദന്‍ മലര്‍ത്തോപ്പില്‍ വന്നൂ?
മുന്തിരിവള്ളി തളിര്‍ത്തതു പോലൊരു
പുഞ്ചിരിയാലെന്‍ മനംകവര്‍ന്നൂ
(ഏതൊരപൂര്‍വ്വനിമിഷത്തില്‍ .... )
ഇടതൂര്‍ന്ന കരിമുന്തിരിക്കുല പോലേ നിന്‍
മുടിയഴിഞ്ഞുലയുകയായീ
ഇരുനീലമുന്തിരിക്കനികള്‍ പോലേ നിന്റെ
മിഴികള്‍ തിളങ്ങുകയായീ
(ഏതൊരപൂര്‍വ്വനിമിഷത്തില്‍ .... )
ചൊടിയിലെ ചെമ്മുന്തിരികളാലാദ്യത്തെ
മധുരം നീ നേദിക്കയായീ
ഒരു ഹര്‍ഷോന്മാദത്തിന്‍ ലഹരിയില്‍
പടരും മലര്‍വള്ളിയായീ
(ഏതൊരപൂര്‍വ്വനിമിഷത്തില്‍ .... )
മിഴിതുറന്നാദ്യമായ് നഗ്നതയെന്തെന്ന-
റിയവേ, ലജ്ജയില്‍ മുങ്ങി
തലകുനിച്ചോമനേ, നീ നില്ക്കെ, മുന്തിരി-
ത്തളിരില നാണം മറയ്ക്കയായീ
(ഏതൊരപൂര്‍വ്വനിമിഷത്തില്‍ .... )
നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ:
(1 vote)
Ethorapoorva nimishathil
Additional Info
ഗാനശാഖ: