മനോഹരീ നിൻ മനോരഥത്തിൽ

മനോഹരി നിന്‍ മനോരഥത്തില്‍ 
മലരോടു മലര്‍തൂവും മണിമഞ്ചത്തേരില്‍
മയങ്ങുന്ന മണിവര്‍ണ്ണനാരോ
ആരാ‍ധകനാണോ - ഈ ആരാധകനാണോ

ഹൃദയവതി നിന്‍ മധുരവനത്തിലെ
മലര്‍വാടമൊരുവട്ടം തുറക്കുകില്ലേ
അറിയാതെ പൊഴിയുന്ന മധുകണമെങ്കിലും
നുകരുവാന്‍ അനുവാദം തരികയില്ലേ
അധരദളപുടം നീ വിടര്‍ത്തിടുമ്പോള്‍
അതിലൊരു ശലഭമായ് ഞാന്‍ അമരും
(മനോഹരി..)

പ്രണയമയീ ആ ആ ആ ....
പ്രണയമയി നിന്റെ കണിമുത്തുവീണയിലെ
സ്വരരാഗകന്യകളെ ഉണര്‍ത്തുകില്ലേ
അനുരാഗമധുമാരി ചൊരിയുമാ സുന്ദരിമാര്‍
അനുകനാമെന്‍ കരളില്‍ പടര്‍ന്നിറങ്ങും
ഒരു സ്വപ്നമങ്ങനെ വിടര്‍ന്നിടുമ്പോള്‍
ഒരു സ്വപ്നമങ്ങനെ വിടര്‍ന്നിടുമ്പോള്‍
ഒരു യുഗജേതാവായ് ഞാന്‍ വളരും
(മനോഹരി..)