നന്മ നിറഞ്ഞ മറിയമേ

നന്മ നിറഞ്ഞ മറിയമേ ഞങ്ങളെ
നല്ലവരാക്കണമേ
മക്കൾ ഞങ്ങൾ ചെയ്ത പാപങ്ങൾക്ക്
മാപ്പു നൽകേണമേ (നന്മ..)

അത്യുന്നതങ്ങളിൽ വാഴ്ത്തപ്പെടും നിന്റെ
പുത്രനാമുണ്ണിയീശോ
മുൾക്കിരീടം ചൂടി - ദുഃഖിതർ ഞങ്ങൾക്കായ്
സ്വർഗ്ഗവാതിൽ തുറന്നില്ലേ - പണ്ടു
സ്വർഗ്ഗവാതിൽ തുറന്നില്ലേ   
നന്മ നിറഞ്ഞ മറിയമേ ഞങ്ങളെ
നല്ലവരാക്കണമേ

കാൽ‌വരിക്കുന്നിലുയിർത്തെഴുന്നേറ്റൊരു
കാരുണ്യരൂപനീശോ
കാരിരുമ്പാണിപ്പഴുതുള്ള കൈകളാൽ
കാത്തരുളീടുകില്ലേ ഞങ്ങളെ
കാത്തരുളീടുകില്ലേ (നന്മ..)