ഓർമ്മയിൽ കാണുന്നതീ മുഖം - M

ഓർമ്മയിൽ കാണുന്നതീ മുഖം മാത്രം 
ജീവനിൽ ചേരുന്നതീ സ്വരം മാത്രം 
കേൾക്കുന്നതെല്ലാം സുഖമുള്ളൊരീണം 
വിരിയുന്നതെല്ലാം കുളിരുള്ള മൗനം 
ഹൃദയം തേടുന്ന താളം 
സുകൃതം പൂക്കുന്ന കാലം 
ഓർമ്മയിൽ കാണുന്നതീ മുഖം മാത്രം 
ജീവനിൽ ചേരുന്നതീ സ്വരം മാത്രം 

നീയെന്നുമെന്റെ ഭാവനയ്ക്കുള്ളിൽ 
നിറമുള്ള പൂവായ്‌ വിരിയാമോ
മാനസപൂജയിൽ നീ ദേവിയായെൻ 
പ്രേമോദയംപോൽ തെളിയാമോ 
നീയെൻ കിനാവിൻ ലാവണ്യമോ
നീഹാരരാവിൻ കൈവല്യമോ 
പ്രാണനിൽ നീ മാത്രം 
ഓർമ്മയിൽ കാണുന്നതീ മുഖം മാത്രം 
ജീവനിൽ ചേരുന്നതീ സ്വരം മാത്രം 

ഹേമന്തരാഗം പാടുന്ന കാറ്റിൽ 
താഴ്‌വാരമാകെ അലിയുന്നൂ 
ഏകാന്തരാവിൽ നീയെന്നുമുള്ളിൽ 
പൂർണ്ണനിലാവായ്‌ ഒഴുകുന്നൂ 
ഈ ജന്മമേകും സാഫല്യമോ
ആത്മാവിലൂറും ശ്രീരാഗമോ
പ്രാണനിൽ നീ മാത്രം

ഓർമ്മയിൽ കാണുന്നതീ മുഖം മാത്രം 
ജീവനിൽ ചേരുന്നതീ സ്വരം മാത്രം 
കേൾക്കുന്നതെല്ലാം സുഖമുള്ളൊരീണം 
വിരിയുന്നതെല്ലാം കുളിരുള്ള മൗനം 
ഹൃദയം തേടുന്ന താളം 
സുകൃതം പൂക്കുന്ന കാലം 
ഓർമ്മയിൽ കാണുന്നതീ മുഖം മാത്രം 
ജീവനിൽ ചേരുന്നതീ സ്വരം മാത്രം

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Ormayil kanunnathee mukham - M

Additional Info

Year: 
1999

അനുബന്ധവർത്തമാനം