എസ്തപ്പാൻ

സിനിമയുടെ പശ്ചാത്തലം തീരപ്രദേശ നിവാസികളായ, അരയന്മാരായ, ക്രിസ്ത്യൻ സമൂഹവും അവരുടെ സംസ്കാരവുമാണ്. .എസ്തപ്പാൻ എന്ന കഥാപാത്രം ഒരു അതിമാനുഷനായാണ് പ്രത്യക്ഷപ്പെടുന്നത്.

കൈയിൽ ധൂപക്കുറ്റിയുമായി കടലിലിൽ നിന്ന് കയറിവരുന്ന എസ്തപ്പാനിൽ നിന്നുമാണ് കഥ തുടങ്ങുന്നത്. തുടക്കമോ ഒടുക്കമോ ഇല്ലാത്ത അയാളുടെ നിഗൂഢമായ ജീവിതത്തെ അവിടെയുള്ള കടലോര ഗ്രാമവാസികളിലൂടെ കാഴ്ചക്കാരിലേക്കെത്തിക്കുന്നു.

ഒരു മത്സ്യത്തൊഴിലാളിയായിരുന്ന എസ്തപ്പാൻ ഇപ്പോൾ കടലോരത്തിലൂടെ അലയുന്ന വിചിത്രസ്വഭാവമുള്ള മനുഷ്യനാണ്. കല്ലുകൊണ്ട് പലഹാരങ്ങൾ ഉണ്ടാക്കുക, മരണത്തോട് മല്ലടിക്കുന്ന കുട്ടിയെ തടവി സുഖപ്പെടുത്തുക തുടങ്ങി പല  തരത്തിലുള്ള മാന്ത്രിക പ്രവർത്തികളിൽ ഏർപ്പെടുന്നുണ്ട് അയാൾ. ഒരു നിഗൂഢകഥാപാത്രമായാണ് അയാളെ ആ  കരയിലെ കുട്ടികളും സ്ത്രീകളും സാധാരണക്കാരും കാണുന്നത്. അവർക്ക്  എസ്തപ്പാൻ ഒരു മാലാഖയെപ്പോലെയാണ്. എന്നാൽ മറ്റു ചിലർക്ക് അയാളൊരു കള്ളനും ദുർനടപ്പുകാരനുമൊക്കെയാണ്. 

ഒരു സുപ്രഭാതത്തിൽ കാണാതാകുന്ന എസ്തപ്പാൻ പിന്നീട് അവരിൽ ഒരു ഐതീഹ്യകഥാപാത്രമായി രൂപാന്തരപ്പെടുന്നു.