ചുവന്ന വിത്തുകൾ

സ്വന്തം  ജീവിതം കെട്ടിപ്പടുക്കാൻ പാടുപെടുന്ന രണ്ട് സഹോദരിമാരെ  കേന്ദ്രീകരിച്ച് ഒരുക്കിയ സിനിമ. തനിക്കും തൻ്റെ സഹോദരി ലേഖയ്ക്കും മെച്ചപ്പെട്ട ജീവിതം ഉറപ്പാക്കാൻ ശ്രമിക്കുന്ന ഭാരതിക്ക് വേശ്യാവൃത്തി ചെയ്യേണ്ടതായ സ്ഥിതി വിശേഷമാണ്. എന്നാൽ ഒരു ദിവസം അവളെ  പോലീസ് പിടിക്കുകയും  തുടർന്ന് അവൾ   ജയിലിലാവുകയും ചെയ്യുന്നു. അതേസമയം ലേഖ ഒരു യുവാവിനൊപ്പം ഒളിച്ചോടുന്നു.

ജയിൽ  മോചിതയായപ്പോൾ ഭാരതി വീണ്ടും  തെരുവിലേക്ക് മടങ്ങുന്നു. സ്നേഹസമ്പന്നനായ, ദയയുള്ള ഒരു ട്രക്ക് ഡ്രൈവറെ കണ്ടുമുട്ടുമ്പോൾ അവളുടെ മനസ്സിൽ   ഒരു പുതിയ ജീവിതത്തെക്കുറിച്ചുള്ള  സ്വപ്നങ്ങൾ വിരിയുന്നു. പക്ഷെ ലേഖ ഒരു കൈക്കുഞ്ഞുമായി  തെരുവിൽ അലയുന്നത് ഭാരതി കാണുന്നു. തൻ്റെ  കാമുകൻ തന്നെ  ഉപേക്ഷിച്ചുവെന്ന് ലേഖ ഭാരതിയോട് പറയുന്നു. വീണ്ടും ജീവിതം വഴിമുട്ടിയ അവസ്ഥയിൽ അവർ എത്തുന്നു.  ജീവിക്കാനായി വീണ്ടും ശരീരം വില്‌ക്കേണ്ടി വരുമോ എന്ന ചിന്തയിൽ ഭാരതി നില്ക്കുന്നിടത്ത് അവസാനിക്കുന്ന ചിത്രം