സി ഐ ഡി ശകുന്തള

1940 ൽ സേലത്തെ അരിശിപാളയത്ത് ജനിച്ച ശകുന്തള 1960 കളില്‍ പിന്നണി നര്‍ത്തകിയായാണ് സിനിമയിലെത്തുന്നത്. ഇവർ 1970 ല്‍ അഭിനയിച്ച സി.ഐ.ഡി. ശങ്കറിലെ അഭിനയത്തിനുശേഷം സി.ഐ.ഡി ശകുന്തള എന്നായിരുന്നു ഇവർ അറിയപ്പെട്ടിരുന്നത്. 

മലയാളം, തമിഴ്, തെലുങ്ക്, കന്നഡ ഭാഷകളിലായി 600 ലേറെ സിനിമകളില്‍  വേഷമിട്ട ഇവരുടെ ശ്രദ്ധേയമായ മലയാള ചിത്രങ്ങൾ കുപ്പിവള, കൊച്ചിന്‍ എക്‌സ്പ്രസ്, നീലപൊന്മാന്‍, തച്ചോളി അമ്പു, ആവേശം (1979) എന്നിവയാണ്.

1998 വരെ സിനിമകളില്‍ സജീവമായിരുന്ന ഇവർ 2019 വരെ തമിഴ് സീരിയലുകളിലും സജീവമായിരുന്ന ഇവർ 2024 സെപ്റ്റംബർ 17 ആം തിയതി വൈകീട്ടോടെ ബെംഗളൂരുവിൽ വെച്ച് തന്റെ 84 ആം വയസ്സിൽ അന്തരിച്ചു.