കരളിൽ കണ്ണീർ മുകിൽ
കരളിൽ കണ്ണീർ മുകിൽ നിറഞ്ഞാലും
കരയാൻ വയ്യാത്ത വാനമേ
അപാര ശാന്തിതൻ തീരമേ
(കരളിൽ... )
ആരറിഞ്ഞു നിൻ മുറിവിൻ ആഴം
ആരറിഞ്ഞു നിൻ ബാഷ്പത്തിൻ ഭാരം
നെഞ്ചിൽ നിന്നും ചോരയൊലിച്ചാലും
പുഞ്ചിരിപ്പൂ നീ സന്ധ്യകളിൽ
(കരളിൽ... )
നദിയുടെ അലകൾ യുഗയുഗങ്ങളായ്‌
കദനഗൽഗദത്തിൽ കരഞ്ഞാലും
തരാബിന്ദുവിൻ മിഴിയിൽ പൊടിഞ്ഞു
താഴെ വീഴാതെ വറ്റുന്നു
താഴെ വീഴാതെ വറ്റുന്നു
കരളിൽ കണ്ണീർ മുകിൽ നിറഞ്ഞാലും
കരയാൻ വയ്യാത്ത വാനമേ
നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ:
No votes yet
Karalil kanneer
Additional Info
Year:
1967
ഗാനശാഖ: