എന്തിഷ്ടമാണെനിക്കെന്നോ

എന്തിഷ്ടമാണെനിക്കെന്നോ 
ഈ ഗ്രാമമെന്തിഷ്ടമാണെനിക്കെന്നോ
മഴപോലെ പുഴപോലെ വിടരുന്ന പൂപോലെ 
തുളസീദളംപോലേ.. 
ഈ ഗ്രാമമെന്തിഷ്ടമാണെനിക്കെന്നോ

കനിവുള്ളൊരമ്മയെപ്പോലെ 
ഓമനക്കുഞ്ഞിനെപ്പോലെ
ഒഴുകും കിളിപ്പാട്ടുപോലെ 
കാറ്റിലൊഴുകും കിളിപ്പാട്ടുപോലെ
അരയാലുപോലെ അമ്പലംപോലെ 
ആമ്പല്‍പ്പൂങ്കുളംപോലേ...
എന്തിഷ്ടമാണെനിക്കെന്നോ 
ഈ ഗ്രാമമെന്തിഷ്ടമാണെനിക്കെന്നോ

സ്നേഹിക്കുമച്ഛനെപ്പോലെ 
ഉരുകുന്ന പെങ്ങളെപ്പോലെ
ഇളം‌മുളം തണ്ടിനെപ്പോലെ 
പാടുമിളം‌മുളം തണ്ടിനെപ്പോലെ
പുലര്‍‌വേളപോലെ സന്ധ്യയെപ്പോലെ 
പൂനിലാപ്പാലാഴിപോലേ... 

എന്തിഷ്ടമാണെനിക്കെന്നോ 
ഈ ഗ്രാമമെന്തിഷ്ടമാണെനിക്കെന്നോ
മഴപോലെ പുഴപോലെ വിടരുന്ന പൂപോലെ 
തുളസീദളംപോലേ.. 
ഈ ഗ്രാമമെന്തിഷ്ടമാണെനിക്കെന്നോ
എന്തിഷ്ടമാണെനിക്കെന്നോ 
ഈ ഗ്രാമമെന്തിഷ്ടമാണെനിക്കെന്നോ
എന്തിഷ്ടമാണെനിക്കെന്നോ...