നോബി തലനാട്

1976 മാർച്ച് 20 ന് എം കെ നാരായണന്റെയും തങ്കമണിയുടെയും മകനായി കോട്ടയം ജില്ലയിലെ പൂഞ്ഞാറിൽ ജനിച്ചു. ചീഞ്ഞാർ സെൻറ് ആന്റണീസ് ഹൈസ്ക്കൂളിലായിരുന്നു നോബിയുടെ പ്രാഥമിക വിദ്യാഭ്യാസം. അതിനുശേഷം ഐ ടി ഐയിൽ നിന്നും ഡിപ്ലോമ നേടി.
ഏഴാംക്ളാസ് മുതൽ അമച്വർ നാടകവേദികളിൽ സജീവമായിരുന്ന നോബി 1994 ൽ പൂഞ്ഞാർ നളന്ദ നാടകവേദിയിലൂടേ പ്രൊഫഷണൽ നാടകരംഗത്ത് തുടക്കം കുറിച്ചു.
സുഹൃത്തായ ജിയോ ബേബി സംവിധാനം ചെയ്ത കുഞ്ഞു ദൈവം എന്ന സിനിമയിൽ ഒരു വേഷം ചെയ്തുകൊണ്ടാണ് നോബി സിനിമയിലേക്ക് എത്തുന്നത്. തുടർന്ന്  ജിയോ ബേബിയുടെത്തന്നെ കിലോമീറ്റേഴ്സ് & കിലോമീറ്റേഴ്സ്,ഫ്രീഡം ഫൈറ്റ്, ശ്രീധന്യ കാറ്ററിംഗ് സർവീസ് എന്നീ ചിത്രങ്ങളിലും അഭിനയിച്ചു