സ്വർണ്ണത്തിനു സുഗന്ധം പോലെ
സ്വർണ്ണത്തിനു സുഗന്ധം പോലെ
കണ്മണീ നിന്നനുരാഗം
കാണാൻ നല്ലൊരു കനകവിളക്കിൻ
കർപ്പൂരത്തിരി പോലെ
വെള്ളിനിലാവിൻ ചെല്ലവിളക്കിൽ
മുല്ലപ്പൂത്തിരിപോലെ
സ്വർണ്ണത്തിനു സുഗന്ധം പോലെ
കണ്മണീ നിന്നനുരാഗം
ശാരദസന്ധ്യാഹൃദയം ചൂടിയ
വാർതിങ്കൾക്കല പോലെ
പൗർണ്ണമിരാവിൻ നിറുകയിൽ വിരിയും
പനിനീർപൂങ്കുല പോലെ
സ്വർണ്ണത്തിനു സുഗന്ധം പോലെ
കണ്മണീ നിന്നനുരാഗം
മുന്തിരിനീരിൽ പൊൻ നുര പോലെ
ചന്ദ്രികയിൽ കുളിർ പോലെ
മുകിലിൻ കരളിൽ മുത്തുകൾ പോലെ
കമനീ നിന്നനുരാഗം
സ്വർണ്ണത്തിനു സുഗന്ധം പോലെ
കണ്മണീ നിന്നനുരാഗം
നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ:
(1 vote)
Swarnathinu Sugandham Pole
Additional Info
ഗാനശാഖ: