പല്ലവി പാടി നിൻ മിഴികൾ

പല്ലവി പാടീ നിൻ മിഴികൾ
അനുപല്ലവി പാടീ എൻ മിഴികൾ
കലഹഭംഗികൾ ചരണമായീ
കവിത തുളുമ്പും ഗാനമായി (പല്ലവി...)

ഹൃദയത്തുടുപ്പിന്നു മധുരതരം
നെടുവീർപ്പു പോലും സ്വര മധുരം
സിരകളിൽ വൈദ്യുതി തൻ തിരയിളക്കം
എവിടെയുമനുരാഗ മണിമുഴക്കം (പല്ലവി..)

അകലത്തിരുന്നാലും അടുത്തു വരും
അഴകേ നിന്നാശാമരന്ദ ഗന്ധം
സ്വരലയ ഗംഗയാമീ സ്മൃതിലഹരി
ഒരു നാളും വാടാത്തൊരുഷമലരി (പല്ലവി..)