പിടക്കോഴി കൂവുന്ന നൂറ്റാണ്ട്

പിടക്കോഴി കൂവുന്ന നൂറ്റാണ്ട്
ഇത് പെണുങ്ങൾ കലി തുള്ളും നൂറ്റാണ്ട്
ശീലങ്ങൾ മാറി വരും നൂറ്റാണ്ട്
സത്യം ശീർഷാസനത്തിൽ നിൽക്കും നൂറ്റാണ്ട്
(പിടക്കോഴി..)

ഭൂഗോളം തിരിക്കുന്നതവളല്ലേ
കാലത്തെ നയിക്കുന്നതവളല്ലേ
ചെകുത്താനും ദൈവവുമൊരു പോലെ
തോൽക്കുന്നതവളുടെ മുന്നിലല്ലേ
( പിടക്കോഴി..)

ആകാശത്തിരിക്കുന്ന ബ്രഹ്മാവേ
ആത്മീയ നാടക കർത്താവേ
ഇനിയൊരു ജന്മം തരുന്നെങ്കിൽ
ഞങ്ങൾക്കും പെൺ വേഷം നൽകേണമേ
(പിടക്കോഴി.)