കാവൽമാലാഖമാരേ

കാവൽമാലാഖമാരേ..കണ്ണടക്കരുതേ..
താഴെയീ പുൽത്തൊട്ടിലിൽ രാജരാജൻ മയങ്ങുന്നു
ഉണ്ണീയുറങ്ങ്..ഉണ്ണീയുറങ്ങ്..ഉണ്ണീയുറങ്ങുറങ്ങ്..

തളിരാര്‍ന്ന പൊന്മേനി നോവുമേ..കുളിരാര്‍ന്ന വൈക്കോലിൻ തൊട്ടിലല്ലേ..(2)
സുഖസുഷുപ്തി പകര്‍ന്നീടുവാൻ തൂവൽ കിടക്കയൊരുക്കൂ..(2)
(കാവൽമാലാഖമാരേ..കണ്ണടക്കരുതേ..‌)

നീലനിലാവല നീളുന്ന ശാരോൻ താഴ്വര തന്നിലേ പനിനീര്‍പ്പൂവേ (2)
തേൻ തുളുമ്പും ഇതളുകളാൽ നാഥനു ശയ്യയൊരുക്കൂ..(2)
(കാവൽമാലാഖമാരേ..കണ്ണടക്കരുതേ..)

ജോര്‍ദ്ദാൻ നദിക്കരെ നിന്നണയും..പൂന്തേൻ മണമുള്ള കുഞ്ഞിക്കാറ്റേ (2)
പുൽകിയുണര്‍ത്തല്ലേ നാഥനുറങ്ങട്ടെ..പരിശുദ്ധരാത്രിയല്ലേ (2)
(കാവൽമാലാഖമാരേ..കണ്ണടക്കരുതേ..)