ആകാശത്തമ്പലമുറ്റത്ത്

ആകാശത്തമ്പലമുറ്റത്ത് പെണ്ണുങ്ങള്‍ 
വിളക്കുവെക്കണതൊളിഞ്ഞു നോക്കി 
തപസ്സിരിക്കണ സന്യാസി... പൂച്ചസന്യാസി
(ആകാശത്ത്... )

കാറ്റില്‍ക്കരിയിലപ്പല്ലക്കില്‍ 
വേലിക്കലൊന്നു വരാമോ നീ (2)
കുഞ്ഞിപ്പുരയിലെ പെണ്ണിനോടൊപ്പം
മാപ്പിളയായിട്ടിരിക്കാമോ... 
(ആകാശത്ത്... )

അപ്പൂപ്പന്‍ താടി വിതാനിച്ച് 
പൊന്നിട്ടിരുത്താന്‍ പൂപ്പന്തല്‍
ചന്തം ചാര്‍ത്തിയ ചെക്കന്ന് ചൂടാന്‍ 
ചെത്തിപ്പൂക്കുട മുത്തുക്കുട
കാക്കപ്പൊന്നിന്‍ മോതിരവും 
തൂവെള്ളിയില തുവാല
കോടിയുടുക്കാനമ്പോറ്റിക്കുട്ടി 
ചെന്തെങ്ങോല കുരുത്തോല
(ആകാശത്ത്... )

മുത്തശ്ശിക്കഥകള്‍ പറഞ്ഞുതരാം 
മുത്തം തന്നു ചിരിപ്പിക്കാം
പൊന്നൂഞ്ഞാലില്‍ പള്ളിയിരുത്തി 
പാടിപ്പാടിയുറക്കിക്കാം
(മുത്തശ്ശി....)

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
aakasathambala muttath

Additional Info

Year: 
1965

അനുബന്ധവർത്തമാനം