വിശുദ്ധനായ സെബസ്ത്യാനോസേ

വിശുദ്ധനായ സെബസ്ത്യാനോസേ
ഞങ്ങൾക്കു വേണ്ടി പ്രാർഥിക്കേണമേ (2)
പാപികൾ ഞങ്ങളെ പരിശുദ്ധരാക്കുവാൻ
പണ്ടു നർബോനയിൽ ജനിച്ചവനേ (2)
പാവങ്ങൾ ഞങ്ങൾക്കു സ്വർഗ്ഗരാജ്യം തരാൻ
പീഢനമേറ്റു തളർന്നവനേ 
വിശുദ്ധനായ സെബസ്ത്യാനോസേ
ഞങ്ങൾക്കു വേണ്ടി പ്രാർഥിക്കേണമേ

അന്ധരെ അന്ധർ നയിക്കുന്ന വീഥിയിൽ
അഗ്നിശലാകയായ് ജ്വലിച്ചവനേ (2)
രക്തത്തിൽ മുങ്ങി നിന്നൊരു വേദസാക്ഷിയായ്
രശ്മി കിരീടമണിഞ്ഞവനേ 
വിശുദ്ധനായ സെബസ്ത്യാനോസേ
ഞങ്ങൾക്കു വേണ്ടി പ്രാർഥിക്കേണമേ

ആധിയും വ്യാധിയും ഇവിടുന്നകറ്റുവാൻ
അർത്തുങ്കൽ പള്ളിയിലിരിപ്പവനേ (2)
അംഗങ്ങളൊക്കെയും ഞങ്ങളെ രക്ഷിക്കാൻ
അമ്പുകൾ കൊണ്ടു മുറിഞ്ഞവനേ
വിശുദ്ധനായ സെബസ്ത്യാനോസേ
ഞങ്ങൾക്കു വേണ്ടി പ്രാർഥിക്കേണമേ