കൈതപ്പൂ വിശറിയുമായ്

കൈതപ്പൂ വിശറിയുമായ് കാറ്റേ കൂടെ വരൂ
കടലും മലയും കുളിർ കോരും കാറ്റേ കൂടെ വരൂ
(കൈതപ്പൂ..)

ഏഴു സമുദ്രത്തിന്നകലെ ഏഴാകാശത്തിന്നകലെ
ഏദൻ തോട്ടത്തിലൊരു നാളിൽ
ആദവും ഹവ്വയും ആദ്യം ചൂടിയ
പാതിരാ മലരിറുത്തു തരൂ - ഇറുത്തു തരൂ 
ഓഹോഹോ..ഓഹോഹോ
(കൈതപ്പൂ..)

മൌനശതാബ്ദങ്ങൾക്കകലെ
മായാദ്വീപുകൾക്കകലെ
സോളമൻ വാണൊരു യെറുശലേമിൽ
കാമുകഹൃദയങ്ങൾ ആദ്യം പാടിയ
പ്രേമഗാഥകൾ പകർന്നു തരൂ - പകർന്നു തരൂ 
ഓഹോഹോ..ഒഹോഹോഹോ..
(കൈതപ്പൂ...)