തങ്കത്താഴികക്കുടമല്ല

തങ്കത്താഴികക്കുടമല്ല
താരാപഥത്തിലെ രഥമല്ല
ചന്ദ്രബിംബം കവികൾ പുകഴ്ത്തിയ
സ്വർണ്ണമയൂരമല്ല
(തങ്കത്താഴിക..)

കസ്തൂരിമാനില്ല കല്ലോലിനിയില്ല
കല്പകത്തളിർമരത്തണലില്ല
ഏതോ വിരഹത്തിൻ ഇരുൾവന്നുമൂടുമൊ-
രേകാന്തശൂന്യതയല്ലോ - അവിടെയൊ-
രേകാന്ത ശൂന്യതയല്ലോ - ഓഓഓ... 
(തങ്കത്താഴിക..)

കർപ്പൂരശിലയില്ല കദളീവനമില്ല
കാറ്റിന്റെ ചിറകടി ഒച്ചയില്ല
ഏതോ പ്രണയത്തിൻ കഥയോർത്തു നിൽക്കുമൊ-
രേകാന്ത മൂകതയല്ലോ -അവിടെയൊ- 
രേകാന്ത മൂകതയല്ലോ
(തങ്കത്താഴിക..)