യാത്രാമൊഴി ചൊല്ലാൻ
യാത്രാമൊഴി ചൊല്ലാൻ വാക്കില്ല
യാത്രാമൊഴി ചൊല്ലാൻ വാക്കില്ല
ഇരുകൈവഴിയായ്‌ നാം പിരിയാനാണെങ്കിൽ
ഒന്നായ്‌ എന്തിനൊഴുകി
യാത്രാമൊഴി ചൊല്ലാൻ വാക്കില്ല
യാത്രാമൊഴി ചൊല്ലാൻ വാക്കില്ല
നിൻ മിഴിയിൽ സ്നേഹം നീന്തിത്തുടിച്ചതും
നിൻ മൊഴികൾ കാതിൽ അമൃതം പൊഴിച്ചതും
നിൻ വഴിയിൽ കുളിരിൻ ഓളം വിരിച്ചതും
കാനൽ ജലമായ്‌ വേനൽ കനവായ്‌
വറ്റി വരണ്ട ചാലായ്‌ മാറുമ്പോൾ
യാത്രാമൊഴി ചൊല്ലാൻ വാക്കില്ല
യാത്രാമൊഴി ചൊല്ലാൻ വാക്കില്ല
കണ്ണീരിൻ കടലിൽ കാർമുകിലുകളുയരും
വിണ്ണിൻ ചെരുവിൽ ദുഃഖം പെരുകും
മണ്ണിൻ മാറിൽ മഴയായ്‌ പൊഴിയും
കത്തും നിറമായ്‌ പുത്തൻ സ്മൃതിയായ്‌
പൊട്ടി വിരിഞ്ഞ കാലം പുലരട്ടെ
യാത്രാമൊഴി ചൊല്ലാൻ വാക്കില്ല
യാത്രാമൊഴി ചൊല്ലാൻ വാക്കില്ല
ഇരുകൈവഴിയായ്‌ നാം പിരിയാനാണെങ്കിൽ
ഒന്നായ്‌ എന്തിനൊഴുകി
യാത്രാമൊഴി ചൊല്ലാൻ വാക്കില്ല
യാത്രാമൊഴി ചൊല്ലാൻ വാക്കില്ല
വാക്കില്ലാ....
നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ:
(1 vote)
Yathramozhi chollaan
Additional Info
Year:
1983
ഗാനശാഖ: